Ilipoishia
Johnson alimpiga marufuku Maria kukanyaga pale Gengeni kwake Maria akawa analia hakukubaliana na lile swala Hadi mzee Joseph jirani wa Johnon pale Gengeni alivyoona kama hamna maelewano kati ya Johnson na Maria akaenda kuwauliza kinachoendelea alivyoelezewa akaanza kumpa somo Johnson
Endelea
Mzee Joseph alimwambia Johnson mambo mengi sana yanayotokeaga kwenye mapenzi, akamshauri Johnson asije akamuacha Maria sababu wazazi wake hawataki wawe pamoja akamuambia waendelee na mapenzi yao tu kama kweli wanapendana ila wafanye kwa siri sana wasijiachie ili wazazi wa Maria wasiwaletee tena matatizo. Johnson akamwambia mzee Joseph "mzee wangu mimi nimekuelewa na nampenda sana Maria kutoka moyoni sababu nimetoka naye mbali sana na sijawahi kuwa na mwanamke mwengine zaidi yake hata yeye anajua ila tatizo ndio hilo tu wazazi wake wameniambia wakija tena kuniona naye au wakija kusikia bado nina mahusiano na binti yao watanifunga au watanipoteza duniani na ndio maana mimi naogopa kuendelea na Maria au kama anataka tuendelee apunguze kuja hapa Gengeni kwangu na hata kule kwangu asije hovyo sababu tayari wazazi wake washapajua ninapoishi wasije siku wakamkuta kule ikawa balaa"
Mzee Joseph alimsikiliza Johnson kwa makini akamwambia "Kijana wangu mimi nimeshakuelewa ni kweli lazima uogope sababu wazazi wake huyu binti wana uwezo sana wanaweza wakakufanya chochote kila mimi nimekwambia we endelea tu na mpenzi wako ila msijiachie sana kama ulisema asije sana hapa Gengeni kwako na huko nyumbani kwako tafuteni sehemu iliyojificha ndio muwe mnaonana huko" Johnson akamwambia yule mzee "sawa mzee nimekusikia ahsante sana kwa ushauri wako mzuri mimi nitaendelea na mpenzi wangu ila kuna mambo inabidi niongee naye." Muda wote huo Johnson na mzee Joseph wanaongea Maria bado alikuwa kainama chini analia mzee Joseph akamgeukia Maria akamwambia "We binti nyamaza usilie nimeshamuelewesha mpenzi wako kanielewa ila kuwa makini sana usiwe unakuja hovyo hapa Gengeni kwa Johnson utamsababishia matatizo mwenzako" Maria aliacha kulia alifurahi sana kuona mzee Joseph kamtetea kwa Johnson kamuelewesha hadi Johnson kakubali kuendelea kuwa naye alimshukuru sana mzee Joseph akamwambia "ahsante sana mzee mimi nampenda sana Johnson hata wazazi wangu wafanyaje mimi siwezi kumuacha Johnson labda waniue" mzee Joseph alicheka sana kusikia yale maneno ya Maria akamwambia "sawa binti hata mimi najua unampenda sababu muda mrefu sana nawaona pamoja ndo maana nilivyoona mnalumbana hakuna maelewano nikaja kuyamaliza" Maria na Johnson walimshukuru mzee Joseph wenyewe wakabaki pale Gengeni wanaendelea na maongezi mzee Joseph akaendelea na shughuli zake, Zilipita siku mbili Maria hakukanyaga gengeni kwa Johnson wala Nyumbani kwake hadi Johnson alifurahi akaona kweli maneno ya mzee Joseph yamefanya kazi hadi Maria kaelewa.
Siku hiyo kama kawaida yake Johnson katoka gengeni kwake kama mida ya saa 4 usiku akakuta pale anapowekaga funguo zake hazipo akajiuliza nani atakuwa amechukua funguo pale na aliyekuwa anajua kuwa funguo zinawekwa pale ni yeye na Maria.
Akausukuma mlango wake akakuta mlango wake umefungwa kwa ndani Johnson alichanganyikiwa akawa anajiuliza nani kaingia chumbani kwake bila ya yeye kuwepo alianza kugonga mlango kwa nguvu akasikia sauti ya Maria ndani inamwambia "baby nakuja kukufungulia"
0 comments:
Post a Comment